حول التملك من عدمه وتحذيرات الدوله من النصب على الناس
تعال نفهم القصه ماشيه ازاى من واقع ملموس
انا او انت مالك او مستاجر لاراض زراعية وليس سكن من سنه 1990 مثلا وكنت بزرعها ومعاك موافقات من الجيش والاثار ودخلت مجتمع عمرانى جديد .
بعد قانون تقنين وضع اليد من الدوله سنه 2017 بيقدم المالك انه عاوز يملك الارض دي بحكم انه فيها من 30 سنه مثلا . لو المساحه كبيره وليكون 800 فدان الدوله بتراعى ان الجار اولى بالشفعه بما انه يقدر يسدد مصاريف تغير النشاط من زراعى لسكنى ومش كده وبس كان اتعملت لجنه ايام حكومه محلب وبعد صدور قرار الريس لتقنين وضع اليد كل اللى قدمو ملفاتهم لتملك الارض دي ودفعوا ايصالات المعاينه والرفع المساحى ايام اللجنه دي بخلاف مستندات الملكية واى موافقات سابقه للزراعة هم فقط من تقبل ملفاتهم لتقنين وضعهم وحسب كلامى مع موظفين الجهاز ان الطلب المقدم دة الجهاز هو اللى بيحدد ان كان ملفه هيتقبل للنظر فيه من عدمه حسب اجرئاته اللى اخدها المالك . ان قبل الملف فى الغالب الدوله بتسحب نصف مساحه الارض وبيسدد مصاريف تقنين تغيير النشاط من زراعي لسكنى لباقي الارض
هيحتاج المالك سيوله مهوله للتسديد للدوله مستحقتها (هنا بتتوكل على الله وتشتري وتدفع )
والمالك بدوره بيلم اللى يقدر عليه ويسدد للدوله لتجنب سحب الارض لعدم سداد تغيرالنشاط
طبعا الجهاز اعلان عن فتح ومد فتره تقديم طلبات التقنين للملاك (300 مالك) والمستاجرين (4300) طلب لتقنين وتصفيه اوضاعهم (بسبب حجم مساجات الارض دي) والبتاكيد قبل الطرح للشعب فى شهر 12 القادم
بعد تصفيه اوضاع الطلبات دي من الملاك والمستاجرين بعد كده ال 60 الف فدان هيصفصفو وليكن على 30 الف فدان للدولة هينطرحو للشعب واحجز ان شاء الله وقتها
ياجماعه البيع بيكون من مالك بتوكيل بتنازل عن المساحه المطلوبه وبيتسجل فى الشهر العقاري لحفظ الحقوق + والاهم يكون لها ملف مقبول بالجهاز من المالك لتقنين تغير النشاط من زراعي لسكنى + اورق المالك ومستندات الملكية وموافقات الجيش والاثار ولجنه محلب والرفع المساحي للمالك + تخلى المالك يضم توكيلك لملفة بالجهاز
طبعا تطلع على الجهاز تطمن ان ليه فعلا ملف ودافع ايصالات اللجان سواء كانت رفع مساحى او فرز وتجنيب واتكل على الله نفذ واستلم وحاوط ارضك بسور وعين غفيرك
التقنين نوعيين
-1- تقنين تغير نشاط "من زراعي لسكني"وده الجاري العمل عليه من المالك والدوله لتصفيه مساحات الارض دي
-2- تقنين مرافق (مياه كهرباء مجاري .. الخ) وده لسه قدام على اخر السنه دى
والتاكيد فى مخاطره بنسب مختلفه حسب اوارق المالك بتحدد وحتى لو ورق سليم فى مخاطره بنسبه 10 % على الاقل . وانا قبل نسبه المخاطره دي . خد قرارك . انتهى
